Croeso i gylchlythyr e-Drosedd Cymru. Yn y rhifyn hwn, cewch wybod am rai o’r bygythiadau diweddaraf allai effeithio ar eich busnes a byddwn yn dangos i chi sut i gadw i fyny gyda’r straeon diweddaraf yn y wasg ynghylch e-Droseddu.

Partneriaeth yw e-Drosedd Cymru rhwng sefydliadau ac asiantaethau sy’n ymrwymedig i roi’r wybodaeth a’r offer sy’n angenrheidiol ar fusnesau Cymru fel y gallant fod yn ymwybodol ac yn wyliadwrus o effeithiau andwyol yr holl ffurfiau ar e-Droseddu, yn ogystal â chael yr holl wybodaeth amdanynt ac, yn y pen draw, fod yn ddiogel rhag yr effeithiau hynny.

A fydd y dirwasgiad yn cynyddu temtasiynau e-Droseddu ac achosion o dresbasu?

Yn yr erthygl hon, rydym yn archwilio sut gallai effeithiau’r wasgfa gredyd gynyddu bygythiadau i’ch busnes chi. Gall y risgiau hyn gael eu hachosi nid yn unig gan droseddwyr allanol ond gan gyn-weithwyr neu weithwyr presennol hefyd.

Ydych chi’n barod i gael eich ‘brandgipio’?

Mae llawer o straeon e-Droseddu yn y wasg yn tynnu sylw at ddifrifoldeb meddalwedd faleisus a gweithgareddau troseddol cysylltiedig sy’n gallu effeithio ar ddefnyddwyr y we a busnesau. Fodd bynnag, mae yna fygythiad arall a elwir yn ‘frandgipio’ sy’n bygwth difetha brandiau llawer o sefydliadau heb eu bod yn ymwybodol ei fod yn digwydd.

Os ydych chi wedi cael eich effeithio gan e-Droseddu neu ddwyn adnabyddiaeth, gyda phwy ydych chi’n cysylltu?

Cysylltwch â ni a chewch gyngor neu cewch siarad â’ch Swyddog yr Heddlu rhanbarthol sy’n ymdrin ag achosion e-Droseddu.

© Llywodraeth Cynulliad Cymru 2009