Os nad ydych chi eisoes yn gwneud hynny, dylech fynd i’r arfer o wneud copïau wrth gefn yn rheolaidd (bob wythnos efallai) o ddata/ gwybodaeth fusnes bwysig.

Cadwch gopi diogel oddi ar y safle a chofiwch amgryptio unrhyw wybodaeth sensitif am eich cwmni a’ch cwsmeriaid neu ei diogelu â chyfrinair.

Yn ogystal â bod yn arfer busnes da, mae gwneud copïau wrth gefn rheolaidd yn sicrhau na chaiff eich data hanfodol ei ddinistrio o ganlyniad i ymosodiad maleisus neu ddigwyddiad ffisegol, fel tân neu lifogydd neu galedwedd cyfrifiadurol yn cael ei ddwyn.