Cynhaliwyd Uwchgynhadledd e-Drosedd Cymru eleni ar 21 Hydref 2009 yn Venue Cymru, Llandudno.  Roedd y digwyddiad yn darparu’r wybodaeth a’r offer diweddaraf i gynrychiolwyr frwydro yn erbyn troseddwyr sy’n targedu technoleg er mwyn iddynt allu canolbwyntio ar gynyddu elw drwy fwy o weithgarwch ar-lein.

Dengys ymchwil newydd fod chwarter busnesau Cymru wedi dioddef achos o e-Drosedd yn y flwyddyn ddiwethaf, gyda rhai yn achosi miloedd o bunnoedd o gostau.  Yn yr Uwchgynhadledd, dysgodd busnesau am gamau i’w cymryd i osgoi ymosodiadau a cholled ariannol ddifrifol, amharu ar eu gwasanaethau, dwyn data neu eiddo deallusol a niweidio eu henw da.

Siaradwyr

Roedd agenda’r Uwchgynhadledd yn cynnwys cyflwyniadau gan arbenigwyr e-Ddiogelwch mwyaf blaenllaw'r byd o gwmnïau fel Microsoft, 7Safe, CRYPTOCard a Paypal.  Rhoddwyd gwybodaeth am y bygythiadau ac atebion diweddaraf, ynghyd â chyngor gwerthfawr ar drafod taliadau’n ddiogel ar-lein.

Trafodaeth ryngweithiol

Roedd y digwyddiad yn un rhyngweithiol iawn, gyda chyfle i bawb oedd yn bresennol fynegi eu safbwyntiau ar Gymorth e-Drosedd a holi cwestiynau perthnasol i’w busnes.

Arddangosfa

Yn ogystal, cafodd cynrychiolwyr gyfle i ymweld ag arddangosfa eang eleni sy’n cynnwys dwsinau o sefydliadau TG ac e-Ddiogelwch blaenllaw.

Cymorth a chyngor

Roedd yr heddweision e-Drosedd newydd yno i gynnig cyngor ac arweiniad arbenigol.  Roedd cymorth ychwanegol ar gael drwy ganllawiau a thaflenni ffeithiau e-Drosedd Cymru sy’n rhoi cyngor syml ar e-Ddiogelwch.